शान्तिको ध्वजा

(शान्तिको ध्वजा त म फ़र्फ़राउछु )^2

तर मेरो छोरोलाई बिउताउने कसले हो ?

गोली लागेर भर्खरै ऊ ढलेको छ

"तपाइँ नरुनु न बा " भनेर एकछिन भयो ऊ सुतेको छ

पुस्दै छु मा उसको छातीबाट बगिरहेको रगत

हास्दै छु मा आसु लुकाई ताकि मिलोस् उसलाई साहस

फेरी पनि शान्तिको ध्वजा त फ़र्फ़राउछु

जान्दिन यो छोरो नबिउतेसम्म कतिन्जेल बर्बराउछु ?

(युद्द र क्रान्ति हो रे यो)^2

इतिहासले आफैले आफैलाई दोहोर्याएको मात्र हो रे

हो यो परिवर्तनको कालखण्ड हो

महिना दिन अगाडिसम्म त्यहाँ बिध्यालय थियो

खै कुन बादीहरुले बम फोडे अरे

कलिला हात-खुट्टा अनि मुटुहरु छरपस्ट छरिए अरे

दिनमा तिनका बाबु-आमा त्यहाँ गएर रुन्छन

रातभरी ति बालबालिकाका आत्माहरु त्यहाँ भद्कनछन

माने, हात जोडे, निश्चयपनि यो परिवर्तन हो

केहि छैन हजुर, यो त इतिहास दोहोराएको मात्र हो

(घर जलेर खरानी भएको छ )^2

रैठानेहरु अब सुकुम्बासी भएको छ

कसले भन्छ यहाँ अन्धकार छाएको छ

बुझ न हो बुझ, यहाँ त परिवर्तन आएको छ

परिवारको गणना घटेको छ

गाउ ठाउ त अब बुढापाकाले मात्र भरिएको छ

एकनासको शान्त गाउले जीवनमा डर र त्रास छाएको छ

(अनि किन गर्भ गर्दैनन् त नेताहरु ) ^2

निश्चयपनि यहाँ परिवर्तन आएको छ

बम र गोलीका बाजाहरु बजाउदै आएको छ

घरमा बुहारीहरुलाई सेता पहिरण उपहार दिएको छ

हरेक पुरुषका आखामा आशुका धारा बगाएको छ

माने बा मैले माने, हाम्रो आकाशमा परिवर्तनको बादल छाएको छ

यो बुढो हातमा शान्तिको ध्वजा थमाएको छ

"बा म डाक्टरी पढ्छु नि है" भन्ने मेरो छोरोको छातीमा गोलीको तक्मा सजाएको छ

फेरी पनि म शान्तिको ध्वजा त फ़र्फ़राउछु

जान्दिन यस्तै परिबर्तनहरु नेताहरुको घरमा पनि आएको छ कि छैनन्

मेरो जस्तै उनीहरुका छोरो पनि निदाएका छन् कि छैनन्

थप्पडनै हान्दापनि उठ्दैन अब त्यो त

आमाचाहिले सारै बिलौना गरिसकी, फेरी पनि अटेरी बन्छ त्यो त

पहिले सारै सोझो, अहिले कस्तो जिड्डी भएछ मेरो छोरो त

कस्तो बिर्सेको मैले, यो त परिवर्तन पो त

जान्दिन म कतिञ्जेल यसरी बर्बराउछु

परिबर्तन पुग्यो साहेब, अब म मात्र शान्तिको ध्वजा फ़र्फ़राउछु ।